STARFSFÓLK BANKANNA SVIKIÐ! HVAÐ SEGIR JÓHANNA? HVAÐ SEGIR BJÖRGVIN? HVAÐ SEGIR ÁRNI? HVAÐ SEGIR GEIR?

Þegar ríkisstjórnin kynnti lagafrumvarp sem heimilaði inngrip ríkisvaldsins í bankana var sterklega gefið til kynna af hálfu ráðherra að fólki yrði almennt ekki sagt upp störfum og að það héldi meira að segja réttindum sínum. Þegar spurt var um hvers vegna lög um aðilaskipti ættu ekki að gilda var að skilja að þetta væri til þess að ríkisvaldið yrði ekki skuldbundið að varðveita siðlausa ofurlaunasamninga. Annað ætti við um almennt starfsfólk. Þetta hefur síðan verið stafað ofan í þjóðina og þá sérstaklega starfsfólk bankanna. Þið hafið allt ykkar á þurru var því sagt.
Hvað gerist svo í morgun þrátt fyrir öll þessi fyrirheit og heitstrengingar?
Í Landsbanka voru mörg hundruð starfsmen reknir án nokkurra trygginga um laun. Þetta þýðir að ríkisstjórn og ráðherrar hafa svikið þetta fólk.
Hvað segir Jóhanna félagsmálaráðherra?
Hvað segir Björgvin viðskiptaráðherra?
Hvað segir Árni fjármálaráðherra?
Hvað segir Geir forsætisráðherra?
Verða starfsmenn Kaupþings reknir á morgun?
Verða þeir líka sviknir um laun og önnur kjör?
Er ekkert að marka ríkisstjórnina?
Er ég kannski að misskilja eitthvað?
Stendur ef til vill til að laun verði greidd í þriggja mánaða uppsagnarfresti?
Eða er ég að lesa ríkisstjórnina rétt?
Sem ómerka orða sinna.