STUDDUÐ FÁRÁÐSUMSÓKNINA

Blessaður Ögmundur.
Greinin þín VIRKISTURN Í NORÐRI? var afar góð og vel skrifuð og mér fannst nákvæmlega engu skipta þó þú hafir notað e-r orð sem sumum fannst ekki passa. Öðrum fannst þau passa vel. Notum við ekki öll orð sem sumum finnst ekki passa og kannski mest þegar okkur ofbýður? Enginn getur þóknast öllum, það mikið er víst. Voru það ekki sömu mennirnir og kalla okkur hin, ranglega, einangrunarsinna og þjóðrembur? Og það er víst í lagi. Það er víst ekkert nýtt að allir þeir sem vilja ekki ganga í Evrópuríkið, séu kallaðir einangrunarsinnar og þjóðrembur af Evrópustórríkissinnum, þó við yrðum akkúrat fyrst einangruð þar. Og þó fullveldi lands komi ekkert einangrun við, heldur frelsi. En þið í VG studduð og voruð með í fáráðsumsókninni inn í einangrunar-miðstýringar-heimsveldið og þið svikuð kjósendur með landsöluflokki Jóhönnu. Og enn vefst ólýsanlega fyrir mér að þú skulir í alvöru enn geta stutt þessa stjórn og VG.
Þá finnst mér ömurlegt að langskásta fólkið í VG skuli vera kallað ÓRÓLEGA DEILDIN.
ElleE