VATNIÐ OG VIRKISTURNINN!

Heill og sæll. Nú heiti ég á þig Ögmundur, hæstvirtur Innanríkisráðherra, að þú sýnir á ríkisstjórnarfundi á föstudaginn, 4. maí 2012 að þér er ísköld alvara með andstöðuna gegn fjáfestingaráformum Huang Nubo. Allt þetta mál hefur sýnt fram á það hvað margir opinberir embættismenn, samtryggðir stjórnmálamenn og sveitarstjórnarmenn eru undarlega falir fyrir fé og ræður þar mestu þeirra eigin vesaldómur og algjöra ábyrgðarleysi, enda vanir því að krefjast ríkisverðtryggðra réttinda sinna, án nokkurra skyldna við land og þjóð. Þeir hafa komist upp með þá iðju sína lengi og í því skjóli skáka þeir. Þetta er bitur reynsla þjóðarinnar og í ljósi hennar leyfi ég mér að spyrja: Hvernig fer það svo, ef Nubo fengi aðgang að landinu? Er ekki líklegt að skipulag og annað yrði sveigt, hægt og bítandi, algjörlega að hans vilja?
Þar er vatnið undir, þar er umhverfið undir. Þar er land undir virkisturn. Verstu glæpamennirnir eru iðulega opinberir hvítflibbaglæpamenn, hvort heldur er á Íslandi eða í Kína. Höfum við ekkert lært af Magma/Alterra málinu? Asni fullur af gulli kemst í gegnum alla varnarmúra. Við búum í gósenlandi Ögmundur og allt þetta vinstri/hægri/miðjumoðs rugl er kjaftæði og við vitum það báðir. Mundu nú Ögmundur að sókn er alltaf besta vörnin. Sú sókn felst í því að þú hótir stjórnarslitum á föstudaginn og látir verða af því, ef vinstri/hægri/miðjumoðs helferðarhjú hinnar glóbalísku auðræðisklíku undir handarjaðri AGS sjá ekki að sér. Ég leyfi mér að sjá nú þegar fyrir mér aðalfyrirsögn allra innanlandsfrétta á föstudaginn: Nei við Nubo eða Ögmundur sprengir ríkisstjórnina!!!!
Jón Jón Jónsson