ÁKALL KÚRDA UM HJÁLP - 200.000 Á FLÓTTA!
Þessi nýja nálgun, samhliða áherslu á að ná markmiðum fram með friðsamlegum hætti, skilaði Kúrdum sýnilegum árangri í tyrknesku þingkosningunum í júní - reyndar svo miklum að meirihluti Erdogans forseta féll. Síðan hafa tyrknesk stjórnvöld ekki linnt látum og efnt til ófriðar við Kúrda leynt og ljóst. Á ófriðaraöldunni reið Erdogan síðan að nýju til valda í nýjum þinkosningum í haust.
Í júlílok hafði Erdogan fengið blessun NATÓ fyrir nýjar ofbeldisaðgerðir gegn Kúrdum í skiptum fyrir aðstöðu fyrir bandaríska loftherinn á tykneskum flugvöllum í stríðinu við ISIS en þau illu samtök hafa Tyrkir stutt beint og óbeint.
Í aðdraganda þingkosninganna í Tyrklandi í nóvemberbyrjun stóð tyrkneska leyniþjónustan fyrir hryðjuverkum sem reynt var að kenna Kúrdum um, en svo augljós voru fingraförin að heimspressan komst ekki upp með að taka þátt í lyginni þótt oft væri reynt.
Ekki nóg með þetta.
Nú berast fréttir af fjöldahandtökum, morðum og margvíslegu ofbeldi í héruðum Kúrda í austanverðu Tyrklandi.
Í fyrrnefndu hjálparákalli frá kúrdneska bæjarstarfsmannasambandinu segir að ofbeldið hafi leitt til þess að um 200 þúsund manns hafi neyðst til að yfirgefa heimili sín; með öðrum orðum, komnir á flótta, orðnir flóttamenn.
Það er góðra gjalda vert að taka á móti flóttamönnum til Íslands og styð ég það, en vesælt er hlutskipti íslenskra stjórnvalda að horfa þegjandi á ríkisvaldið í Tyrklandi búa til nýjan flóttamannavanda með blessun NATÓ, hernaðarbandalags sem Ísland á aðild að.
Gleymum því ekki að fyrsta ósk flóttamannsins er yfirleitt sú að geta snúið til síns heima og búið þar í friði og öryggi.
Nokkrar slóðir um efnið:
https://www.ogmundur.is/is/greinar/hvorki-erdogan-ne-nato-koma-a-ovart
https://www.ogmundur.is/is/greinar/grimmdarverk-i-tyrklandi
https://www.ogmundur.is/is/greinar/island-ur-nato
https://www.ogmundur.is/is/greinar/a-thjodhatid-i-kurdistan