Frá lesendum

Nú atburður er orðinn stór - ekkert þótti vænna og borgarstjórinn burtu fór í boði Vinstri-grænna. Kristján Hreinsson, skáld .

Sæll Ögmundur. Undarleg tilveran. Þórólfur tilkynnir um að hann hætti mestan part vegna krafna fulltrúa VG ef marka má fréttir og eftir sitjum við hugsi.

Hér á síðunni hefur þú oft vakið athygli á ýmsu uppbyggilegu sem er að gerast á róttækari væng stjórnmálanna, eða eigum við einfaldlega að segja, á þeim væng stjórnmálanna þar sem ekki ríkir doði og meðvitundarleysi.

Mig langar að spyrja um þitt álit á samráði olífélagana. 1: Finnst þér það hæfileg sekt að olíufélögin borgi 6,5 miljarða í sekt þegar ljóst er að samráðið hefur kostað þjóðina 40 miljarða? 2: Er það ekki almenn krafa að forstjórar og stjórnendur sem eru viðriðnir samráðið verði hnepptir í gæsluvarðhald þar til rannsókn ríkislögreglustjóra er lokið? 3: Hver ætti að vera hæfileg refsing fyrir samráðsglæp sem hefur kostað borgara þessa lands 40 miljarða, þegar hægt er að dæma mann í þriggja mánaða fangelsi fyrir að stela tímariti og oststykki? 4: Er ekki eitthvað mikið að siðferðislega þegar mönnum finnst þetta samráð bara sjálfsagður hlutur og koma umvörpum fram í fjölmiðlum og reyna að bera þetta af sér þrátt fyrir að gögn samkeppnisstofnunar sýni svart á hvítu hvað hefur verið í gangi? Kveðja.

Þórólfur vill þrauka enn,það er heila máliðmeðan ausa aðrir mennolíu á bálið. Kristján Hreinsson, skáld  

Sæll Ögmundur.Einu sinni var kanadískt olíufélag sem langaði að slá sér niður á Íslandi og selja Íslendingum ódýrara bensín og útgerðinni ódýrari olíur.

Það böl sem er í borgarstjórnbráðum tekst að linaef borgarstjórinn færir fórnfyrir alla hina. Kristján Hreinsson, skáld 

Ljótar eru aðfarirnar gegn borgarstjóra. Verst finnst mér hræsnisslepjan hjá Ingibjörgu S. Gísladóttur. Hún vill fá kallinn út með góðu því ef borgarfulltrúarnir verða að grípa til þess að segja honum hreinlega upp þá gæti Þórólfur brugðið sér í gervi lævirkjans og farið að syngja, og gæti kannski sungið um ýmislegt sem Ingibjörgu kemur ekki vel.

Það er dapurt að sjá hvernig Þórólfur borgarstjóri er gerður að aðalblóraböggli í olíumálinu. Vissulega hefur hann sýnt dómgreindarleysi að segja ekki af sér strax, sérstaklega í ljósi þess að Þórólfur er viðkunnanlegur maður sem ekki verður í neinum vandræðum með að finna sér nýja vinnu.Við í sveitinni veltum fyrir okkur hvenær komi að forstjórum og stjórnum Shell, ESSO og OLÍS.

Sæll Ögmundur.Þú varst harður andstæðingur allra fimm útgáfnanna af fjölmiðlafrumvarpi ríkisstjórnarinnar og færðir fyrir því gild rök.