Frá lesendum

Á Klaustur-barnum var brugðið leik, bjórinn drukku af göróttum kaleik, illt varð þá talið, ekkert var falið og sitja nú uppi með allt er í steik. Höf. Pétur Hraunfjörð

Ekki selja landið okkar! Nú þegar of mikið, stoppum þetta núna strax ... Heimir Guðjónsson

Í Fbl. í dag kemur fram að sumir Vopnfirðingar vilji fá sundlaug frá auðmanninum geðþekka sem kaupir þar upp jarðir. Maður veltir fyrir sér hvers vegna Vopnfirðingar láta sér ekki duga glerperlur, eins og værukærir frumbyggjar hafa gert öldum saman. Ragnar Ólafsson

Ég get, fyrir mitt litla líf, ekki skilið hvernig á því stendur að ekkert virðist vera aðhafst vegna gegndarlausra jarðakaupa erlendra ríkisborgara á Íslandi. Allt er hljótt og ekkert fréttist af aðgerðum til að stöðva þetta. Og á meðan kaupa þeir sem geta það sem þá langar í og Íslendingar sem gjarnan vildu eignast jarðeignir en ráða ekki við að keppa við auðuga safnara, horfa magnlausir á. Ég skil vel að ... Halldóra

Eftir veðrinu vonlaus bið, vatns af sósu leginn. Rok að ofan en regn á hlið, það rignir öllu megin! Kári

Hér vandamálin versna enn vart liðið síðasta bitið. Nú dómstýran vill dæmda menn og drepa eftirlitið.   Höf. Pétur Hraunfjörð

Á enda rann Skúla skeið er skelfingin á dundi. Og Icelandair jú bara beið á meðan WoW hrundi. Hér verðbólgu og vaxtanauð  verkalýðshreyfingin skoðar  Og vinnu uppá vatn og brauð valdaklíkan boðar.   Pétur Hraunfjörð  

Auglóst er að Sigurður Ingi, samgönguráðherra, ætlar að fara að skattleggja okkur á vegunum. Ekki er orð til andmæla frá VG og Sjálfstæðisflokkurinn þegir enda greinilega kominn í hefðbundna hagsmunagæslu fyrir verktakana. Og átölulaulaust er látin ólögleg og siðlaus gjaldtaka fyrir að skoða náttúruperlur Íslands. Gjaldmælarnir tifa á Þingvöllum í boði ríkisstjórnarinnar. Á þetta að vera svona? Jóel A.

Með glæpamönnum gekk í lið ei gæfuríkt var sporið. Nú virðist fækka við hennar hlið, við nálgumst kosningavorið.   Pétur Hraunfjörð

Heldur subbulegt sjómannafélag sýnir nú íhalds klærnar Kona ein vildi þar kosningaslag og ástæður (taldi) ærnar. Pétur Hraunfjörð