Frá lesendum

Heill og sæll Ögmundur. Ég get tekið undir hvert orð sem þú ritar í pistli þínum "LÝÐRÆÐIÐ ÞARF NÆRINGU - STJÓRNVÖLDIN AÐHALD".

Vel getur verið að mörgum þyki Jóhönnu launin þetta svaka laun en í Evrópu eru laun ýmissa fræðinga í gagnagrunnum og etc á um 80-100 þús pund á ári.

Morgunblaðið gerir sig sekt um að ráðast að embættismanni sem raunar er þegar kominn á eftirlaun. Ég hef aldrei séð jafn lákúrulega málflutning hjá nokkru dagblaði á Íslandi.

Sumir eru alltaf einum leik á eftir. Það á við um Ólaf Ragnar Grímsson, forseta Íslands. Hann hrósaði útrásarvíkingum.

Sæll Ögmundur. Ég hef verið að velta einu máli svolítið fyrir mér. Þann 25-09-2008 var samþykkt af stjórn Kaupþings að fella allar persónulegar ábyrgðir af lánum sem fjöldi fólks innan bankans fékk til að kaupa hlutabréf í bankanum.Sumir fengu aflétt ábyrgðum á milljörðum króna, til að mynda eiginmaður varaformanns Sjálfstæðisflokksins.

Nýverið hjó ég eftir því að skattrannsóknarstjóri stóð agndofa af undrun yfir því hve menn væru orðnir færir og snöggir að skjóta undan fjármunum.

Sæll Ögmundur.. Síðustu dagar hafa eðlilega snúist að nokkru um ábyrgð. Í tilfelli stjórnmálamanna má ekki gleyma að þeirra ábyrgð snýr að nokkru að því hvort þeir rækti skyldur sínum gagnvart kjósendum.

Ég las ræðu Ingibjargar Sólrunar á netinu rétt í þessu. Þar skýrir hún frá því að hún brást sjálfri sé, flokknum og kjósendum flokksins.

Sæll Ögmundur.. Það er margar góðar greinar og lesendabréf á vefsíðunni þinni og það er gleðilegt að sjá okkur venjulegt alþýðufólk hafa vettvang sem við getum viðrað áhyggjur og skoðanir okkar, en það veitir þú okkur og átt þakklæti fyrir Ögmundur!. Árni Þorsteinsson http://ogmundur.is/fra-lesendum/nr/5235/   bendir réttilega á að Atli Gíslason alþingismaður sem mörg okkar hafa byggt vonir með innan um hálfgerðan furðulýð á Alþingi, hafi varað menn við „að stíga afskaplega varlega til jarðar varðandi sýkn eða sekt þeirra sem þingnefndin mun fjalla um." Árni er eðlilega undrandi og fyrir vonbrigðum af slíkum umælum þingmanns sem maður hefur lagt traust til og þarf á að halda á ögurtímum.

Sæll Ögmundur.. Á Örstedskalanum gátu menn fengið - 23 í einkunn. Þá einkunn fengu til dæmis laganemar á munnlegum prófum sem kunnu minna en ekki neitt.