Frá lesendum

Kæri Ögmundur..... Hvernig stendur á því að ekki er búið að upplýsa fyrir þjóðinni hvað hún fær fyrir rafmagnið sitt til erlendrar stóriðju?  Hvað hún fær fyrir leigu á landi undir erlendu stóriðjuna og í opinber gjöld, skatta og tolla?  Hvernig Kárahnjúkamálið ALLT stendur með kostnaði, lánum og vöxtum, svo á móti arði af Kárahnjúkaframkvæmdinni! . . Það verður að ónýta alla viðskiptaleynd í landinu með lögum, sem mér vitandi hefur aldrei verið viðhöfð á Íslandi fyrr en glæpamennirnir fundu hana upp samkvæmt erlendri fyrirmynd og túlkun, til að hylma yfir misferli sítt og jafnvel glæpi! Hver veit?  Engin veit neitt!   Þetta eru mál sem VG hefur alltaf sett á oddinn, en nú steinþegið þið, þegar þið getið gert eitthvað við því!  Hvernig stendur á þessum tvískinnungi Ögmundur? . . Eins get ég engan vegin verið sammála Gylfa Magnússyni viðskiptaráðherra, að ekki sé hægt að snúa við ákvörðun bankamanna að lána sjálfum sér, vinum og vandamönnum, tugi ef ekki hundruð milljarða króna rétt fyrir hrunið, og jafnvel þurrka sumar skuldirnar út án greiðslu.  Sumar afborganir og skattar eiga jafnvel ekki að eiga sér stað fyrr en eftir dauðadag lántakandans!  Hvað heldur þú að Eva Joly og annað fullvita fólk sem er að reyna að hjálpa okkur, haldi um svona háttarlag? . . Annað hneyksli er að það er ekki búið að hneppa einn einasta glæpamann í fangelsi og hafa af honum illa fengið þýfi, ekki einu sinni til yfirheyrslu, að mér skilst.

Sæll Ögmundur.. Það er alveg rétt sem þú skrifar að nú ríður á að hver þingmaður skoði samvisku sína í Icesave málinu.

Ég var að horfa á sjónvarpsfréttir og velti því fyrir mér hvert ykkar gengur lengst í afturhaldsátt, Alþjóðagjaldeyrissjóðurinn, ríkisstjórnin eða svokallaðir  "aðilar vinnumarkaðar".

Maður er nefndur Steen Bagger, ættaður af Sjálandi þar sem heitir Danmörk. Var hann danskur útrásarvíkingur með tilhneigingu til að færa bókhald fyrirækis síns liðlega.

Sæll Ögmundur,. Sem kjósandi VG langar mig að hvetja þig til að samþykkja ekki Icesave-samninginn. Bendi á grein Jóns Helga, 11 firrur um Icesave.

Ríkisstjórnin verður fyrir gagnrýni þessa dagana. Hitt megið þið þó vita, að þótt við gagnrýnum ykkur mörg hver, og ég er í þeim hópi, þá styð ég ykkur til allra góðra verka.

Ef Eva Joly fer þá er þetta búið spil fyrir okkar þjóð. Ekki nokkur leið að reisa þetta þjóðfélag við ef það á að hylma yfir hinar raunverulegu orsakir hrunsins.

Snýr Baldur Guðlaugsson virkilega aftur til síns fyrra embættis með leyfi stjórnvalda ? . Edda. . Baldur verður ráðuneytisstjóri í Menntamálaráðuneyti en var í Fjármálaráðuneyti.. Með kv.

Ég sendi þér þetta þar sem þú ert einn af þeim fáu stjórnmálamönnum sem ég held að séu í stjórnmálum fyrir aðra en sjálfan sig.

Ég var feginn að sjá í fréttum að þú ert gagnrýninn á Icesave samninginn. Það er ég líka, einkum vaxtahlutann.