Frá lesendum

Ég horfði á viðtal við Björgúld Thor Björgúlfsson í Kompási. Hef aldrei séð annan eins hrylling. Botnlaus ósvífni frá upphafi til enda.. Get ég komið með peninga? Nei,  svaraði hann sjálfum sér.

Góðan dag Ögmundur.. Afar merkilegt viðtal við þig og Pétur Blöndal í Mannamáli á Stöð 2 um síðustu helgi og var ekki að heyra annað en að Pétur ætli ekki sem formaður aðalnefndar Alþingis að skrifa upp á ánauð á þjóðina vegna erlendra reikninga og verður því þungur róður að ná þessu í gegn en samkvæmt lögum má aðeins greiða úr þessum tryggingasjóði með 19 milljarða höfuðstól og ekkert annað.

Sæll Ögmundur.. Góð og nauðsynleg heimasíða. Það er erfitt að tjá sig um öldurótið, sem núna gengur yfir en get bara sagt það að allir eiga að koma með hugmyndir og það á ekkert að liggja í kyrrþey.

Sæll Ögmundur. Samkvæmt greiningu Financical Times og öðrum haldbærum upplýsingum má benda fingri á sökudólgana, þá sem hafa komið þjóðarskútunni í strand.

Sæll Ögmundur. Hvernig er hægt að láta það gerast að það verði boðaðar þingkosnigar sem fyrst? Finnst þér VG tilbúið í þann slag að það verði boðaðar þingkosnigar fljótlega? Kær kveðja þinn kjósandi og VG félagi, . Ásdís. . Sæl Ásdís.. Krafan um kosningar er að rísa.

Sæll Ögmundur. Ein þunglyndisleg: . . Nú er orðið nokkuð dimmt . nú er snjór að falla.. Guð ég vona að getum skrimt . og gildi fyrir alla.. . Steingrímur Sigfússon.

Sæll Ögmundur,. Hún Harpa ritaði á heimasíðuna þína um karla og konur í valdastöðum og ég er að vissu marki sammála henni.

Sæll Ögmundur,. Ég hef frá fyrstu tíð tekið þátt í jafnréttisbaráttunni, en á mínu heimili hefur kvennabarátta alltaf verið hluti af stéttarbaráttunni. . Að sjálfsögðu eiga konur að hafa sömu tækifæri og karlar á öllum sviðum þjóðfélagsins en ég get ekki séð að samfélagið sé eitthvað betur sett þótt konur gegni ákveðnum valdastöðum í samfélaginu eða stjórni fyrirtækjum.. Það er að mínu mati mikilvægara að rýna í skoðanir fólks en kynferði.  . Er það styrkur fyrir jafnréttisbaráttuna að Valgerður Sverrisdóttir eða Margrét Thatcher hafi gegnt valdastöðum?Hverju breytir það að Ingibjörg Sólrún er kona? Ég er jafn ósátt við skoðanir hennar og væri hún karl.. Í pólitísku tilliti á ég ekkert sameiginlegt með Ástu Möller, Ingibjörgu Sólrúnu, eða Valgerði Sverrisdóttur frekar en þú með Geir Haarde, Davíð Oddsyni eða Bjarna Benediktssyni.. Ég er ekki þeirrar skoðunar að þótt við konurnar höfum ekki haft sömu tækifæri og þið karlarnir til þess að setja mark okkar á valdakerfi og viðskiptalíf landsins á undanförnum árum séum við þar með betur til þess fallnar að takast á við þau verkefni sem nú liggja fyrir. . Ég skil  ekki það kall sem heyrist nú úr öllum áttum um að "nú sé röðin komin að konunum"!. Þess vegna skil ég heldur ekki hvernig það má vera að nýir stjórnendur Glitnis og Landsbanka skuli taldar yfir gagnrýni hafnar og að því er virðist sjáfvirkt hæfar til sinna starfa vegna þess að þær eru konur. . Höfum við ekkert lært?. Nú þarf að spyrja:. Hvert var hlutverk þessara stjórnenda í gömlu bönkunum? . Af hverju fáum við ekki að vita hvað þær hafa í laun?. Er það rétt að Elín Sigfúsdóttir sé einn af hugmyndasmiðunum á bakvið Icesave? . Það er enginn aðili að gamla valdaaðlinum, hvorki í viðskiptum né pólitík, yfir gagnrýni hafinn!. Farsæl framtíð Íslands mun ekki byggjast á því hvort það verða konur eða karlar sem stjórna.

Kæri Ögmundur.... Ekki alls fyrir löngu senti ég þér lesenda bréf um að ég hafi horft á og hlustað á viðræðu við Georg Soros háprest auðvaldsins og að hann hafi sagt eftirfarandi: . . * Að það væri númer eitt að þjóðir hafi stjórnvöld sem trúa á stjórnskipanina og stjórni samkvæmt því.. * Að það væri lífsnauðsynlegt að öll hegðun og þá hegðun fjármálastofnana og fyrirtækja, þar með banka, verði samkvæmt nákvæmum og góðum lögum og reglum og að gott eftirlit tryggi að farið sé eftir þeim.   . * Georg Soros sagði að á tímum Regans forseta Bandaríkjanna og Margrétar Thatcher forsætisráðherra Bretlands, hafi fólk tekið alvarlega trúarjátninguna eða hugdettuna um að í frjálsu markaðskerfi, mundi markaðurinn leiðrétta sig sjálfur, sjálfkrafa, sem er bölvuð della og ein ástæðan fyrir núverandi fjárhagsvandamálum!. * Hann sagði ennfremur að hann teldi að vald dollarans sem hefur verið notaður sem hálfgerður alþjóða gjaldmiðill þar með að gas og olía væri versluð með honum, hafi skaðast svo við hrun kapítalismans, að þjóðir munu hætta að nota hann, "sem alþjóða gjaldmiðil".

Sæll Ögmundur.. Í tilefni af pistli þínum um öryggisráðið, Össur og drápstólin.  Ég er þér sammála um viðbrögð Össurar.