Frá lesendum

Hvað varð um einstæðu feðurna hjá ykkur, eruð þið ekki orðnir of uppteknir af málefnum kvenna. Ég og mínir líkar eigum líka rétt á að vera til og hafa efni á því að taka þátt í þessu þjóðfélagi.

Sæll Ögmundur. Mér leikur hugur á að vita hver munurinn er á einkavæðingu og einkarekstri, að þínum dómi. Þar á ég sér í lagi við heilbrigðis- og menntakerfi.

Kæri Ögmundur. Lifa samtök atvinnulífsins í eigin heimi þegar þau mæla með stóriðju? Bestu kveðjur,Jón ÞórarinssonSannast sagna er ég undrandi á því að fyrirtækin í landinu skuli ekki andmæla þessum áherslum SA sem sannanlega stríða gegn hagsmunum íslensk atvinnulífs.Með kveðju,Ögmundur.

Ég vil leyfa mér að spyrja hvort viðtal í fréttatíma RÚV við Halldór Ásgrímsson, diplomat Íslands (okkar allra) á Norðurlöndum, í upphafi vikunnar hafi átt að þjóna einhverjum fréttatengdum tilgangi eða hvort einfaldlega var verið að reyna að gleðja tiltekinn stjórnmálaflokk sem ég varla nenni að nefna á nafn? Diplómatinn hafði akkúrat ekkert fram að færa í viðtalinu annað en að hann teldi að gamli flokkurinn sinn myndi reisa sig við fyrir komandi kosningar og að VG væri ekkert annað en loftbóla! Getur verið að "fréttastofa" RÚV líti á sig nú orðið sem eins konar loftbólu fréttamiðil? Öðru vísi mér áður brá.

Ég er hjartanlega sammála Sunnu Söru hér á síðunni hjá þér að misréttið er mesta meinsemdin í þjóðfélagi okkar.

Sæll Ögmundur. Mig langar til að óska Hafnfirðingum til lukku með mjög afgerandi niðurstöðu í kosningunni í fyrradag.

VG þarf að vera meira afgerandi varðandi velferðarmálin og í tillöguflutningi um að útrýma fátækt í landinu.

Athyglisvert að horfa á Silfur Egils í gær:Fyrir utan andleysi þátttakenda (fyrir utan Guðfríði Lilju), þá var sláandi að heyra hinn pólitískt hugrakka Lúðvík Geirsson, lýsa því yfir einsog ekkert væri að tillagan um deiliskipulagið sem kosið var um hefði ekki komið frá bæjarstjórninni, heldur frá Alcan.

Ég er stuðningsmaður VG í Hafnarfirði. Ég kaus með stækkun en er samt ekki óánægður með niðurstöðuna. Þótt ég væri ósammála mínum samherjum í VG í Hafnarfirði í þessu máli þá var ég samt ánægður með að þeir tækju afstöðu í málinu gagnstætt því sem Samfylkingin gerði.

Tíðindi kosningarinnar í Hafnarfirði eru stórkostleg. Þrátt fyrir hamslausa og purrkunarlausa kosningabaráttu Alcan hafna Hafnfirðingar stóriðjustefnunni.